Eolas fúinn

Na seirbhísí atá ar fáil

Is í cnámh droma na seirbhísí um fhaisnéis mhargaidh ná bunachar sonraí comhdhlúite de shonraí comhchuibhithe agus líonra mór saineolaithe ar an iascach agus ar an dobharshaothrú. Comhchuibhítear sonraí i 108 Príomhspeiceas tráchtála agus i 12 Grúpa tráchtearraí atá ar fáil ón gcéad díolachán go dtí an tomhaltas go seachtainiúil, go míosúil agus go bliantúil, i suíomh gréasáin amháin agus i ngach ceann de 24 teanga oifigiúla an AE. Is féidir roinnt sonraí a asbhaint ag leibhéal níos imdhealaithe nó trí shaoráid bulc-íoslódála freisin.

Tá rochtain ar na sonraí ag an bpobal gan chlárú.

Tá na sonraí comhchuibhithe i 108 Príomhspeiceas Tráchtála agus12 Ghrúpa Tráchtearraí

	Seachtainiúil	Míosúil	Bliantúil
Céimeanna i slabhra an tsoláthair	Céad díolachán Mórdhíol Allmhairiú Tomhaltas – Miondíol (praghsanna amháin)	Céad díolachán Mórdhíol Allmhairiú - Onnmhairiú Tomhaltas	Tomhaltas agus comhardaithe an tsoláthair Cur i dtír Dobharshaothrú Allmhairiú - Onnmhairiú Próiseáil
Cineálacha sonra	Toirteanna agus luachanna - foilsítear 1/2 sheachtain tar éis an díolacháin – maidir le speicis agus le háiteanna díolacháin áirithe	Toirteanna agus luachanna – foilsítear 3 seachtaine i ndiaidh an díolacháin – maidir le gach uile speiceas agus áit díolacháin	Toirteanna agus luachanna – foilsítear chomh túisce is a eisíonn EUROSTAT iad – maidir le gach uile speiceas agus Ballstát den AE .
Foilseachán sonraí	7 dtábla shimplí 2 thábla chasta Bulcíoslódáil	17 dtábla shimplí 4 thábla chasta Bulcíoslódáil Léarscáil de chéad díolacháin an AE	16 thábla shimplí 1 thábla casta Bulcíoslódáil
Anailísí rialta ar an mhargadh		“Buaicphointí na Míosa"	“Margadh éisc an AE"
Seirbhísí eile	Modheolaíocht “struchtúr na bpraghsanna” agus cás-staidéir chun anailís a dhéanamh ar tharchur praghsanna táirgí faoi leith i margaí faoi leith Deais mhaicreacnamaíoch, a thaispeánann na príomhtháscairí le comhthéacs a thabhairt don anailís ar earnáil an iascaigh (praghsanna breosla, boilsciú, rátaí malairte, srl.) Anailísí ad-hoc agus doimhniúchán ar shaincheisteanna áirithe den mhargadh, ar iarratas ó AS MARE (m.sh. staidéir ar nósanna tomhaltais san AE, earnáil dobharshaothraithe orgánaigh an AE) Próifílí tíre, a bhfuil mionléargas iontu ar shlabhra soláthair an iascaigh agus an dobharshaothraithe i ngach tír den AE.

An bóthar go dtí seo agus forbairt amach anseo

Tá próiseas na forbartha agus gach aschur bunaithe ar chuspóir uileghabhálach EUMOFA, mar atá, sonraí agus faisnéis iontaofa comhsheasmhacha úsáideacha a sholáthar faoi mhargadh an AE le haghaidh táirgí iascaigh agus dobharshaothraithe.

Ón gcéim tástála amach, chuir EUMOFA lena cuid seirbhísí de réir a chéile d’fhonn:

níos mó den tslabhra soláthair a chlúdach agus níos mó tíortha a tharraingt isteach sa chóras bailithe sonraí;
uirlisí craobhscaoilte a fheabhsú, agus ionchais a sholáthar don mhargadh;
anailís a dhéanamh ar chomhthéacs agus sreabha tráchtála idirnáisiúnta.

Ón mbliain 2016 amach, úsáidtear cur chuige idirghníomhach le físeáin teagaisc agus uirlisí eile le tacaíocht a thabhairt d’úsáideoirí agus iad ag asbhaint sonraí as an mbunachar sonraí.

Cé sinne

Is tionscnaimh de chuid Choimisiún an AE – Ard-Stiúrthóireacht na nGnóthaí Muirí agus na hIascaireachta (AS MARE) – í EUMOFA.

Déanann foireann idirnáisiúnta saineolaithe ar iascach agus ar dhobharshaothrú agus anailísithe faireachán ar mhargadh an AE ó lá go chéile. Seiceálann foireann EUMOFA na sonraí a bhailítear agus baineann sí ciall astu trína cuid pointí teagmhála iomadúla i dtíortha éagsúla an AE.

Leagann an Coiste Eagarthóireachta, a bhfuil oifigigh beartais de chuid an Choimisiúin Eorpaigh agus ionadaithe fhoireann EUMOFA ann, amach an seasamh eagarthóireachta agus déanann sé maoirseacht ar gach foilseachán.

Bainistíonn grúpa comhlachtaí seirbhísí EUMOFA, faoi stiúir an Choimisiúin Eorpaigh, agus COGEA (na hIodáile) i gceannas orthu, i gcomhpháirtíocht le:

AND (na Fraince),
EUROFISH (na Danmhairge),
KONTALI ANALYSE (na hIorua),
Business Integration Partners (na hIodáile).

Is ag an údair/na n-údar an dearcadh agus na conclúidí a léirítear i ngach foilseachán agus ní gá gurb ionann sin agus tuairim Choimisiún an AE ná a chuid oifigeach.